Back چوناثان روسون ARZ Jonathan Rowson Catalan Jonathan Rowson German Jonathan Rowson English Jonathan Rowson Spanish Jonathan Rowson French Jonathan Rowson Italian Jonathan Rowson Dutch Jonathan Rowson Polish Jonathan Rowson Portuguese
Jonathan Rowson a zo bet ganet d'an 18 a viz Ebrel 1977 en Obair Dheathain (Skos).
Mestrc'hoarier echedoù skosat eo.
Skrivagnour ha kazetennour echedoù eo ivez.
An Trede Skosad e oa da vout anvet Mestr Meur Etrebroadel e 1999.
Kregiñ a reas e skipailh broadel skolioù kentañ derez Skos a-enep da Vro-Saoz e 1988. Tapout a reas ar vendalenn argant e Kampionad Europa dindan 18 vloaz e 1995, goude ar c'hampion poloniat Robert Kempinski. Eilvet e voe e Kampionad Europa dindan 20 vloaz e 1997. Kampion Skos e 1999, 2001 ha 2004. Kampion Breizh-Veur e 2004, 2005 ha 2006. E renk Elo a oa 2 599 e miz Gouere 2007.
Gober a reas e studi war ar brederouriezh, ar skiantoù politikel hag armerzhel e Keble College e skol-veur Oxford (Bro-Saoz). E-pad bloaz e studias e Harvard (SUA). Dedennet eo gant preder ar Reter ha labourat a rae war un dezenn D.Phil a-zivout ar furnezh. E 2006 e timezas gant ul lennourez indian war ar Gwir. E Londrez (Bro-Saoz) emaint o vevañ.